Friday, December 19, 2008

Gugma ug Pagtuo

Kining gugma ug pagtuo,makita gyod sa kabulahan. Gasa ang gugma. Gasa ang pagtuo. Mabati ang sila, kay buhing kabahin sa kinabuhi sa tawo. Ambot kon mabuhi ang tawo kon way gugma o pagtuo.

Unsa man kaha ang pagtuo og gugma sa usa ka Bisaya. Giila biya nga ang mga tawo ning atong kapuloan may talagsaong pagtuo. Gani, kabahin gyod sa kinabuhi sa Bisaya ang iyang pagtuo, dili mahibulag.

Katilingbanon nga pagtuo, panagtambayayongan, panagtabangay, mao say mga timailhan ani nga pagtuo.

Ang palibot o ang kalibotan nga gituyokan sa usa ka Bisaya, buhi siya, may presensiya sa Magbubuhat ug Mahigugmaon Dios, nga nagapahiyom kaniya.

Tulukibon man ni. Hinay-hinayan na lang nato'g pamalandong.

No comments: